SHERIA YA UDHIBITI WA TAARIFA BINAFSI YATAMBULISHWA KWA BARAZA LA WAWAKILISHI

NA KIJAKAZI ABDALLA, MAELEZO ZANZIBAR  

NAIBU waziri wa Uchukuzi na Mawasiliano wa Wizara ya Ujenzi, Uchukuzi na Mawasiliano wa Tanzania Mhandisi Atashasta Nditiye amesema kumeibuka uhalifu unaowezesha na upatikanaji kwa rahisi wa taarifa binafsi ambazo huhatarisha maisha ya watu na mali zao.

Aliyasema hayo katika mkutano wa kuwasilisha mapendekezo ya kutunga sheria ya kulinda taarifa binafsi kwa wajumbe wa Baraza la Wawakilishi Zanzibar uliofanyika katika hoteli ya Zanzibar Ocean View Kilimani.

Alisema kuwa kutokana na maendeleo ya Teknolojia ya habari bna mawasiliano (TEHAMA) kuna kiasi kikubwa cha taarifa binafsi zinazokusanywa na kuhifadhiwa ambapo pamoja na matumizi mazuri ya taarifa hizo pia wapo kuna matumizi mabaya yakiwemo uhalifu.

Alieleza kuwa ulinzi wa taarifa hizo unahitajika ili kujenga misingi mizuri ya matumizi ya taarifa binafsi katika jamii kunakopelekea uhitaji wa sheria ambayo zitazoweka muongozo wa ukusanyaji, utunzaji na usambazaji wa taarifa hizo.

Alisema kuwa teknojia imekuwa na inahitaji kuwa na sheria ambayo inayopendekeza itatumia pande zote mbili ya jamuhuri ya muungano na machakato wake ulianza wa kutunga sheria na vikao mbalimbali vimekuwa vikifanyika tangu mwaka 2009.

Mhandisi Nditiye alisema kuwa misingi mikubwa ya kutungwa kwa sheria hiyo ni utekelezaji wa Ibara ya 16 ya Katiba ya Jamuhuri ya Muungano wa Tanzania ya 1977 na Ibara ya 15 ya Katiba ya Zanzibar ya 1984 na kwamba sheria hiyo inayopendekezwa ni ya usalama wa mtandao kutokana na ukiukwaju wa teknolojia.

Nae Mwanasheria wa sekta ya Mawasiliano Eunice Masigati amesema kuwa Tanzania ni miongoni mwa nchi zilizoathirika na uhalifu wa mitandao ikiwemo uhalifu unaotokana na matumizi mabaya ya taarifa binafsi.

Hivyo alisema kwamba usimamizi wa kisheria wa masuala yanayohusu udhibiti wa matumizi na ufikiaji wa taarifa zilizopo kwenye mifumo ya kompyuta na mitandao kwa ujumla.

Aidha alisema kuwa kulinda taarifa binafsi itahusu udhibiti wa namna ambavyo taarifa za mtu, kampuni au serikali zinavyoweza kutumika kwa kuwa na umuhimu wa kutunga sheria ambayo itapendekezwa kulinda taarifa binafsi.

Naibu Waziri  Wizara ya Ujenzi Uchukuzi na Mawasiliano Tanzania Dk. Atashasta Nditiye  akitoa hotuba ya ufunguzi wa Semina ya  Wajumbe wa Baraza la Wawakilishi kuhusu  Mapendekezo ya kutungwa kwa Sheria ya kulinda taarifa binafsi iliofanyika katika Hoteli ya Zanzibar Ocean View  Kilimani mjini Unguja.

Mwanasheria Wizara ya Ujenzi Uchukuzi na Mawasiliano Tanzania Eunice Masigati akiwasilisha mada kuhusu Mapendekezo ya kutungwa kwa Sheria ya kulinda taarifa binafsi katika semina ya Wajumbe wa Baraa la Wawakilishi  iliofanyika katika wa Hoteli ya Zanzibar Ocean View  Kilimani mjini Unguja.

Mwakilishi wa Jimbo la Kwamtipura Hamza Hassan Juma (aliesimama) akichangia mada katika Semina  kuhusu mapendekezo ya kutungwa kwa Sheria ya kulinda taarifa binafsi ilioandaliwa na Wizara ya Ujenzi, Uchukuzi na Mawasiliano Tanzania iliofanyika katika hoteli ya Zanzibar Ocean View  Kilimani mjini Unguja.

Waziri wa Ujenzi Mawasiliano na Usafirishaji Zanzibar Balozi Ali Karume (kulia) akitolea ufafanuzi baadhi ya maswali yalioulizwa katika Semina ya  Wajumbe wa Baraza la Wawakilishi kuhusu  Mapendekezo ya kutungwa kwa Sheria ya kulinda taarifa binafsi iliofanyika katika Hoteli ya Zanzibar Ocean View  Kilimani mjini Unguja.

Spika wa Baraza la wawakilishi Zanzibar Zubeir Ali Maulid (katikati) akitoa maelezo katika semina ya siku moja kwa wajumbe wa baraza la wawakilishi kuhusu sheria ya kulinda taarifa binafsi iliyoandaliwa kwa pamoja na wizara ya ujenzi, uchukuzi na mawasiliano ya Tanzania na wizara ya ujenzi, mawasiliano, uchukuzi na mawasiliano Zanzibar. Kulia kwake ni Naibu Spika Mgeni Hassan Juma.